အငြိုးမထားခြင်းနဲ့ ရိုးသားခြင်းအမွေ မျိုးဆက်သစ်ဆီ ချန်ရစ်စေ

9 February 2015 17:48(+0630) (9 ရက် ခန့်က) ဒီကနေ့ ကျွန်တော်တို့နိုင်ငံမှာ အားလုံး ရင်ထဲ လှုပ်လှုပ်ခတ်ခတ် ဖြစ်နေတဲ့ သတင်း ကတော့ အမျိုးသား ပညာရေး ဥပဒေပြုပြင် ပြောင်းလဲရေး ကျောင်းသားသပိတ်သတင်း ပါပဲ။ ကျောင်းသား များက မန္တလေးကနေ ရန် ကုန်ကို ခရီးရှည်ချီ တက်ဆန္ဒပြကြရာမှာ ပလိပ်၊ ကျောက်ဆည်၊ နွားထိုးကြီး၊ မြင်းခြံ၊ တောင် သာ၊ ပုပ္ပား၊ ကျောက်ပန်းတောင်း၊ ရေနံချောင်း စသဖြင့် ဖြတ်သန်းပြီး မကွေးတိုင်း ဂွေးပင် ရွာမှာ ညအိပ်ရပ်နားဖို့ပေမယ့် အာဏာပိုင် တွေ ဖိအားကြောင့် ရေနံချောင်းမြို့ကို ကား နဲ့ထွက်ခွာ ညအိပ်ခဲ့ ရပါသတဲ့။ လမ်းတစ်လျှောက်မှာ သပိတ်စစ်ကြောင်း ကို ပြည်သူတွေက တစ်ခဲနက် ကြိုဆိုကြပြီး မြင်း ခြံမြို့မှာဆို သံဃာတော်များ၊ ဆရာဝန်များ၊ ဒေသခံကျောင်းသားကျောင်းသူ များပါ ကြို ဆိုရုံမက ပါဝင် ချီတက်ကြဆိုပဲ။ ဒီလိုပဲ ကျောင်း သားတွေကို ချေမှုန်းမယ်၊ တန်ပြန် သပိတ်ဆင် နွှဲမယ်လို့ သတင်းကြီးနေခဲ့တဲ့ တောင်သာမြို့ ကလည်း သပိတ် စစ်ကြောင်းကို လူအုပ်စုကြီး နဲ့ ကြိုဆိုကြတာ သတင်းထဲ ဖတ်ရပါတယ်။ (ကိုယ့်မြို့ကို နာမည်ဖျက်သူက ထိုင်ဖျက်နေ တော့ အဖတ်ဆယ် နိုင်သူတွေက ဝိုင်းဆယ် ကြရတာလည်း ဖြစ်မှာပေါ့ဗျာ)။ ကျောက်ပန်း တောင်းမှာဆိုလည်း လူစုလူဝေးနဲ့ မြို့လုံးကျွတ် ကြိုကြပုံများ ဒီလိုမြင်ကွင်းမမြင်ဖူးပါဘူးလို့ မြို့ခံ တစ်ယောက်က ပြောပါတယ်။ အစိုးရအနေနဲ့လည်း သပိတ်စစ်ကြောင်း ကို တည်းခိုရာဘုန်းကြီးကျောင်း များကို ခြိမ်း ခြောက် ဖိအားပေးလိုပေး၊ ရဲတွေဂိတ်ချ ပိတ် လိုပိတ်၊ ဒေသ ဆိုင်ရာ အာဏာပါဝါရှိသူကြီး များက ပုဒ်မ ၁၈ လာဖတ်ပြလိုပြနဲ့ အမျိုးမျိုး တားဆီးပိတ်ဆို့ရုံမက တစ်ဖက်ကလည်း တက္ကသိုလ်ဆရာကြီးတွေ ကိုပါ စေလွှတ်ညှိ နှိုင်းတဲ့ကြားက ကျောင်းသားစစ်ကြောင်းက ခရီး တစ်ဝက်ပေါက်သွားခဲ့ပါတယ်။ ပုဒ်မ ၁၈ လာဖတ်ပြ ရှင်းပြကြရရှာ သူကြီးများလည်း သ နားစရာခင်ဗျ။ ဥပဒေဖောက်ဖျက်ရင်တော့ ဘယ်သူဖြစ်ဖြစ် အရေးယူမှာပဲတို့ဘာတို့ ပြော ပြီး မောင်းတင်လာပေမယ့် ‘ကျွန်တော်တို့က အခြေခံ ဥပဒေအရ လွတ်လပ်စွာ ဆန္ဒထုတ် ဖော်နေ တာဖြစ်ပြီး ဒီဥပဒေကို ယုံကြည်လေး စားလိုက်နာလို့ ဖမ်းမယ်ဆိုရင် လိုက်ခဲ့ဖို့ အ ဆင်သင့်ပါပဲ’ဆိုတော့လည်း ‘ဟဲ၊ ဟဲ၊ အဘ တို့က ဒီလိုလည်း မဟုတ်ပါဘူး’လို့ ပြောရမလို ဖြစ်သွားတယ်လေ။ တကယ်တော့ ပုဒ်မ ၁၈ လို (သူတို့ကိုယ်တိုင် စိတ်တိုင်းကျဆွဲ၊ ဇွတ် အတည်ပြုပြီး မကြာခဏ ရည်ညွှန်း တတ်တဲ့) အခြေခံ ဥပဒေကြီးနဲ့ကို လုံးလုံးဆန့်ကျင်တဲ့ ဒီဥပဒေမျိုး ကိုင်စွဲ ထားသရွေ့ ဒီလိုရှေ့နောက် မညီ အရှက်ကွဲတာမျိုး ကြုံနေရဦးမှာပါပဲ။ တချို့ပုဂ္ဂိုလ်တွေကျတော့ ‘ငြိမ်းစုစီ’ လို့ သူတို့ခေါ်တဲ့ ဒီဥပဒေက ပုဒ်မ ၁၈ ကို ရည် ညွှန်းတားဆီးတဲ့အခါ ကျောင်းသားများက အဲဒီ ငြိမ်းစုစီ ဥပဒေက နည်းဥပဒေ ထွက်ပြီလားလို့ မေးလိုက်တဲ့အခါ ဘာမှမပြောနိုင်ဘဲ ပြန်ထွက် သွားတာလည်း ရှိသတဲ့ခင်ဗျ။ အမှန် ပြောရရင် နည်းဥပဒေထွက်မထွက် ကျွန်တော်လည်း မသိတာအမှန်ပါပဲ။ ဒါပေမဲ့ ပုဒ်မ ၁၈ နဲ့ ထောင်ထဲက မထွက်ရစတမ်း ခဏခဏ ဖမ်းနေတာတော့ မြင်နေကြားနေရတာပါပဲ ခင်ဗျ။ ဒါနဲ့ အားလုံးသိပြီးသား ဇာတ်ကြောင်းကို ပြန်လှန်ရရင် ဇန်နဝါရီ ၂၈ ရက်နေ့ကျမှ သ ပိတ်မှောက်ကျောင်းသားများရဲ့ခေါင်းဆောင်၊ ဒီမိုကရေစီ ပညာရေးလှုပ်ရှားမှု ဦးဆောင်ကော် မတီဝင် ၁၀ ဦးနဲ့ ဝန်ကြီးဦးအောင်မင်း ခေါင်း ဆောင်တဲ့ အစိုးရကိုယ်စားလှယ် များ တွေ့ဆုံ ဆွေးနွေးပြီး ကျောင်းသားတွေတောင်းဆိုထား တဲ့ လွှတ်တော်၊ အစိုးရနဲ့ ပညာရေး ပြုပြင် ပြောင်းလဲရေး နိုင်ငံလုံးဆိုင်ရာကွန်ရက် (NNER) တာဝန်ရှိသူများနဲ့ ကျောင်းသားခေါင်း ဆောင်များ ဖေဖော်ဝါရီလ ၁ ရက်နေ့ မှာ လေး ပွင့်ဆိုင်တွေ့ဆုံဖို့ သဘောတူလိုက်ကြောင်း မင်္ဂလာ သတင်းကြား ရလို့ အားလုံး ဝမ်းသာ ကြပါတယ်။ အစိုးရက ကျောင်းသားတွေကို အရေးမယူပါဘူးလို့ ကတိပေးလိုက်သလို ကျောင်းသားတွေကလည်း သပိတ်ကိုရပ်နား ထားမယ်လို့ သဘောတူကြတယ် ဆိုပါတယ်။ ဒါပေမဲ့ ကျောင်းသားတွေထဲမှာ ‘အစိုးရ က အခုလို လိုက်လျောတာဟာ သပိတ်အရှိန် အဟုန်ကို လျော့ကျအောင် လုပ်တာ သက်သက် ဖြစ်ပြီး ကျောင်းသားတွေ တောင်းဆိုချက်ကို နောက်ဆုံးတော့ လိုက်လျောမှာ မဟုတ်ဘူး၊ သပိတ်တပ်ကို အခုရပ်နားပြီး လူစုခွဲလိုက်ရင် အစိုးရက မလိုက်လျောဘူး သေချာတဲ့အခါ ပြန်စုဖို့မလွယ်ဘူး၊ ဒါကြောင့် အစိုးရကို ဆက် ဖိအားပေးပြီး သပိတ်ဆက်မှောက်သင့်တယ်’ဆိုတဲ့ အယူအဆ ရှိသူ တွေလည်း ပါနေတာမို့ အတော်လေး ပြန်ညှိနှိုင်း ဆွေးနွေးကြပါတယ်။ ကျွန်တော်တို့ လူကြီးစိတ်နဲ့ အစိုးရက လိုက် လျောပေးတဲ့အခါမှာ ဆက်တင်းမာတာမျိုး မ ဖြစ်စေချင်ဘူးလေ။ ‘ကလေးတွေနှယ်၊ မယုံ သင်္ကာစိတ်များလိုက်တာ၊ လူကြီးတွေက ဒီ လောက် လိမ်မယ်ကောက်မယ် မထင်ပါဘူး’လို့တောင် လျှော့တွက်ချင်တာပေါ့။ ဒါပေမဲ့ ဒီလိုတွေးရင်းနဲ့ တစ်ခုကို သွားသတိရမိသွား တယ်။ အဲဒါကတော့ ဒီပြဿနာဟာ ချက်ချင်း ကြီး ဝုန်းဒိုင်းဖြစ်လာတာမဟုတ်ဘဲ ဥပဒေ စပြဋ္ဌာန်းစဉ် ကတည်းက ကျောင်းသားသမဂ္ဂ တွေနဲ့ ဆရာများသမဂ္ဂအပြင် NNER ကပါ ဝိုင်းကန့်ကွက်ကြပုံ၊ ဒီနောက် ဇွတ်ကြီးပြဋ္ဌာန်း လိုက်တော့ ကျောင်းသားများက နိုဝင်ဘာ ၁၄ ရက်ကနေ ၄ ရက်ဆန္ဒပြ ကန့်ကွက်ခဲ့ကြ ပြီးနောက်မှ ဥပဒေပြင်ဆင်နိုင်ဖို့ ရက် ၆၀ အချိန်ပေးခဲ့ပေမယ့် အစိုးရက ဘာမှလုပ်မပေး ခဲ့ပုံ၊ ကျောင်းသားတွေ သပိတ်စမှောက်ခဲ့တဲ့ နိုဝင်ဘာ ၁၄ ရက်ကနေ ရက်ပေါင်းတစ်ဒါဇင် လောက်ပဲ ကွာသေးတဲ့ နိုဝင်ဘာ ၂၆ ရက်နေ့၊ နိုင်ငံရေးပါတီများနဲ့ တွေ့ဆုံတဲ့ပွဲမှာ သမ္မတ ကြီးဦးသိန်းစိန်က ‘တက္ကသိုလ်တွေမှာ လွတ် လပ်စွာ ပညာသင်ခွင့်တွေ၊ ကျောင်းသားယူနီယံ တွေ ဖွဲ့စည်းခွင့်တွေက တက္ကသိုလ်ပညာရေး ရဲ့အရေးကြီးတဲ့ အစိတ်အပိုင်းပဲ’ လို့ ပြောခဲ့ ပုံတွေကို ပြန်သတိရမိပါတယ်။ အဲဒီတုန်းက ဦးသိန်းစိန်ရဲ့မိန့်ခွန်းကို ဖတ် ရတော့ အတော်ဝမ်းသာပြီး အနောက်နိုင်ငံ ခေါင်းဆောင်တချို့ ပြောပြောနေတဲ့ ‘ပြုပြင် ပြောင်းလဲလိုသူ’ဆိုတာ ‘ဟုတ်သားဟ’ဆိုပြီး လေးစားကြည်ညိုမိခဲ့ပါရဲ့။ မကြည်ညိုဘဲရှိပါ မလား။ ‘ကျောင်းသားယူနီယံပေါ်ပေါက်ရေး နဲ့ ပညာရေးလွတ်လပ်ခွင့်က မရှိမဖြစ်လိုအပ် တယ်ဆိုတာ အသိအမှတ်ပြုလက်ခံပါတယ်’ လို့တောင် ဆက်ပြောခဲ့သေးတာကိုး။ အင်း၊ သမဂ္ဂပေါ်ပေါက်ရေး ခေတ်အဆက်ဆက် အ သက်ပေးခဲ့သူတွေကို အမျှဝေနိုင်မယ့် အချိန် ရောက်ပြီလို့တောင် ယုံလိုက်မိတာပါပဲ။ ဒီအ ချိန်မှာ ဒီမိန့်ခွန်းနဲ့ပတ်သက်ပြီး ဒီမိုကရေစီ ပညာရေး ဦးဆောင်ကော်မတီဝင် ကိုနန္ဒာစစ် အောင်က ‘သမ္မတကြီးပြောတဲ့ ကျောင်းသား သမဂ္ဂဆိုတာ လက်ရှိသမဂ္ဂကို ဆိုလိုသလား၊ ဥပဒေအရ နောင်ပေါ်ပေါက်လာမယ့် သမဂ္ဂ တွေကိုဆိုလိုသလား သံသယဖြစ်မိတယ်၊ အ ရင်က ဥပမာတွေလည်းရှိလို့ လိုသလိုပုံသွင်း ခံရတာမျိုးတော့ မဖြစ်ချင်ပါဘူး’လို့ အင်တာ ဗျူးတစ်ခုမှာ ပြောတာကြားရလို့ ဪ၊ သူတို့ လေးတွေ သံသယကြီးပြီး အစိုးရကြီးကို ငါ ယုံသလိုမယုံပါလားလို့ စိတ်မကောင်းဘူးပေါ့။ ဒါပေမဲ့ တကယ် ဖြစ်လာတာက ကျွန်တော် အထင်ကြီးထားသလို မဟုတ်ရုံမက ကိုနန္ဒာ စစ်အောင် သံသယဖြစ်တဲ့ အတိုင်းအတာ ထက်တောင် အများကြီးဆိုးပါတယ်။ တကယ် တော့ သမ္မတကြီးပြောတဲ့ ‘ကျောင်းသားယူနီယံ’ ဆိုတာကြီးက လက်ရှိသမဂ္ဂလည်း မဟုတ်၊ နောင်ဥပဒေနဲ့အညီ ပေါ်မယ့်ဟာလည်း မဟုတ်။ အစိုးရအကြိုက်နဲ့ဖွဲ့မယ့် (အရင်မဆလ ခေတ် လမ်းစဉ်လူငယ်ကို ခေတ်နဲ့အညီ မွမ်းမံ ပတ္တီးရိုက်၊ နာမည်ပြောင်းထားတာမျိုးကြီး) လုပ်ချင်နေတာကိုး။ တစ်ဖက်မှာလည်း နိုင်ငံ တကာကို ‘စတူးဒင့်ယူနီယံ’ကြီးများတောင် ဖွဲ့ခွင့်ပေးထားပြီဗျ’ လို့ ပြောချင်သကိုးဗျ။ ဪ၊ ဪ။ ကြုံဖူးပေါင်၊ ဂုဏ်ထူး ဆောင်မျက်နှာပြောင်ချက်နော်။ ဒါမျိုး ယူနီယံ တွေဖွဲ့ကြဟေ့လို့ တက္ကသိုလ်တွေကို တိတ် တိတ်လည်း အမိန့်ပေးလိုက်ရော၊ ဝ်ိုင်းကန့် ကွက်ကြတော့ သူတို့မဟုတ်သလိုလို ဘာလို လိုနဲ့ အသာလျှိုနေပြန်သဗျ။ ကဲ၊ ဒီလူကြီးမျိုး တွေကို ဟိုလူငယ်ကလေးမျိုးတွေက မယုံ ဘူးဆိုတာကို ဘယ်လိုအပြစ်တင်ရမှာပါလိမ့် လို့ ကိုယ့်ဘာသာ မေးခွန်းထုတ်ရင်း သူတို့ ဆက်ချီတက်မယ်ဆိုတာကို စိတ်မသက်မသာ ကြည့်နေရတော့တာပေါ့ခင်ဗျာ။ ဒါပေမဲ့ သမ္မတကြီးမိန့်ခွန်းက အကျိုးမဲ့တော့ မဟုတ်ခဲ့ပြန်ဘူး။ ဘာကြောင့်ဆိုတော့ ဒီမိန့် ခွန်းမှာ လူကြားကောင်းအောင်ပဲ ပြောသလား၊ နောင်ရည်ရွယ်လုပ်ဖို့ရှိတဲ့ လုပ်နေကျ ဟန်ပြ ပုံစံကိုပဲ ညွှန်းသလားမသိရတဲ့ ‘အမျိုးသား ပညာရေးဥပဒေကို သဘောတူတာ ကွဲလွဲတာ တွေကို ရှာဖွေညှိနှိုင်းပြီး တက္ကသိုလ်အလိုက် ဖြစ်စေ၊ တက္ကသိုလ်တွေ စုပေါင်းပြီး ဖြစ်စေ ဆွေးနွေးကြပါ’လို့ ပြောတာလည်း ပါသွား ဆိုကိုး။ အဲဒီမှာ ရန်ကုန်အရှေ့ပိုင်း (တာဝ)တက္ကသိုလ်၊ ဒုပါမောက္ခချုပ် ဒေါက်တာမာလာ အောင်က တရားဝင်လုပ်ခွင့်ရပြီဆိုပြီး ပါမောက္ခ ကိုစာတင်၊ ဆရာတွေ၊ ဝန်ထမ်းတွေ၊ ကျောင်း သားတွေဖိတ်ပြီး ဆွေးနွေးပွဲလုပ်၊ သမ္မတကြီး ညွှန်ကြားတဲ့အတိုင်း ဥပဒေရဲ့အားနည်းချက် တွေကို ထုတ်ပြလိုက်တာ တစ်ခါတည်း ဝက် ဝက်ကွဲသွားတော့တာပါပဲ။ မကွဲခံနိုင်ရိုးလား၊ အဲဒီဒုပါမောက္ခချုပ်က ဂျပန်နိုင်ငံ တိုဟိုကု တက္ကသိုလ်က ဥပဒေပါရဂူဘွဲ့ရခဲ့သူဆိုသကိုး။ အဲဒီဆရာမက သူတာဝန်ရှိတဲ့အတိုင်း ဆောင် ရွက်တဲ့အတွက် ‘ကျွန်မ စွန့်စားမှုရလဒ်ကို စောင့်နေရုံပဲ’လို့ ပြောခဲ့ပါသေးတယ်။ ကျွန် တော်တို့ တက္ကသိုလ်များမှာ ဒေါက်တာဒေါ်မာ လာအောင်လ်ို သတ္တိရှင်တွေသာ အတော် များရင် တက္ကသ်ိုလ်များကို တက္ကသိုလ်နဲ့ဝေး သူများက အနိုင်ကျင့်တာမျိုး မခံရလောက်ဘူး ထင်တာပါပဲ။ ဘာပဲဖြစ်ဖြစ် ဒီလိုဖြစ်ခဲ့ရာကနေ သဘော တူညီချက်အတိုင်း လေးပွင့်ဆိုင်ဆွေးနွေးပွဲကို ရန်ကုန်စိန်ရတုသဘင် ခန်းမမှာ ပွင့်ပွင့်လင်း လင်းနဲ့ အချိန်ယူဆွေးနွေးခဲ့ကြရာမှာ ရိုးရိုး သားသားနဲ့ အဖြေတကယ်ရှာချင်တဲ့ပုံမျိုး တွေ့ ရပြန်လို့ ဝမ်းသာရပြန်တယ်။ တကယ်လို့သာ အဲဒီဆွေးနွေးပွဲမှာ နိုင်ငံရေးသမားအများစုနဲ့ တက္ကသိုလ်ဆရာအများစု ပြောနေကြတဲ့အ တိုင်း ကျောင်းသားတွေတောင်းဆိုမှု မှန်ကန် ပါတယ်ဆိုပြီး လိုက်လျောခဲ့မယ်၊ နောက်ထပ် ဆွေးနွေးဖို့ လမ်းဖွင့်ပေးခဲ့မယ်ဆိုရင် ဒီဆောင်း ပါးမျိုးတောင် ရေးစရာအကြောင်းမရှိဘဲ အစိုး ရကြီးကို အထင်လွဲခဲ့မိလို့ တောင်းပန်တဲ့ဆောင်း ပါးမျိုးသာ (တကယ်ဦးချတောင်းပန်ရင်း) ရေးဖို့ ရှိပါတယ်။ ဒါပေမဲ့ အများသိတဲ့အတိုင်း အဲဒီ ဆွေးနွေးပွဲမှာတော့ အလိုက်လျောကြီး မဟုတ် တောင် ကျောင်းသားတင်ပြတဲ့ကိုးချက်မှာ ခုနစ် ချက်တောင် လက်ခံသဘောတူပြီး ဖြစ်သင့် တာတချို့ကို ကျောင်းသားတွေက လျှော့ ပေးခဲ့သလို အစိုးရဘက်ကလည်း ဆက်ဆွေး နွေးဖို့ နေပြည်တော်ကိုတောင် ဖိတ်ခဲ့သမို့ အစိုးရကြီးကို ဂုဏ်ပြုမော်ကွန်းထိုးပေးရမယ့် ဆောင်းပါးမျိုးပဲရေးဖို့ လက်ပြင်ထားရတာပေါ့။ ဒါပေမဲ့ အားလုံးသိတဲ့အတိုင်း ဆွေးနွေး ပွဲလာတဲ့ ကိုယ်စားလှယ်များကို စည်ပင်ဧည့် ရိပ်သာမှာ တည်းခိုခွင့်ပေးပါမယ်လို့ သဘော တူညီထားချက်ကို ဖောက်ဖျက်ပြီးတော့ ‘ဝန်ကြီးတစ်ဦးက တည်းခွင့်မပြုဘဲ ပိတ်ထားရန်’ အ မိန့်ပေး ထားတဲ့အတွက်ဆိုပြီး တည်းခွင့်မ ပေးတဲ့အတွက် ကျောင်းသားတွေရော၊ NNER က ပုဂ္ဂိုလ်တွေရော တည်းစရာအိပ်စရာ မရှိဘဲ ဒုက္ခဖြစ်ကြပါသတဲ့။ ကဲ၊ ငါတို့ကို အရှက်ခွဲတဲ့ဟာတွေဆိုပြီးများ အငြိုးနဲ့နှိပ်စက် လေသလား တွေးစရာပါပဲ။ (ဒီမိုကရေစီနိုင်ငံ မျိုးမှာဆိုရင် အစိုးရကိုအရှက်ခွဲပြီး ဆွေးနွေး သူတွေနဲ့မျက်နှာပျက်စေတဲ့ ဒီဝန်ကြီး ရက်မဆိုင်းဘဲ ပြုတ်လောက်ပေမယ့် အခုတော့ တိတ်တိတ်ဆုတော်လာဘ်တော်များ ချီးမြှင့် မလား မဆိုနိုင်ဘူး)။ ဒါတင်မကဘဲ နောက်ဆုံး ကျောင်းသား ကိုယ်စားလှယ်များကို ကူညီဖို့လိုက်လာသူ များနဲ့ မီဒီယာများကို ဝင်ခွင့်မပေးဘဲ ဂိတ် မှာပိတ်ထားလို့ မဝင်နိုင်ဖြစ်နေပြီး အစိုးရနဲ့ လွှတ်တော်ကိုယ်စားလှယ်များက စိတ်ရှည်ရှည် စောင့်နေပေမယ့် တစ်ဖက်ကမရောက်လာ ဘူးဆိုပြီးများ အင်တာနက်တင်လိုက်သေးသဗျား။ ကဲ၊ နောက်ဆုံးတော့ ငြိမ်းချမ်းရေးကိစ္စ အရေးကြီးလို့ဆိုပြီး အစိုးရက တစ်ဖက်သတ် ဖျက်သိမ်းရွှေ့ဆိုင်းခြင်းနဲ့ ဇာတ်သိမ်းသွားခဲ့ တာ အများအသိပါပဲဗျာ။ ဒီဇာတ်လမ်းမှာ သပိတ်မှာပါတဲ့ အထက် တန်းကျောင်းသူလေးတစ်ဦးကို ကျောင်းထုတ် ဖို့အထိ အငြိုးနဲ့ကြံတာ၊ သမ္မတပြောခွင့်ရ ဦးရဲထွဋ်က သူတို့ကျောင်းထုတ်ခဲ့လို့ ကျောင်းသား မဟုတ်တော့ရသူများက ဦးဆောင်နေတာနဲ့ သူတို့ သမဂ္ဂတရားဝင်ဖွဲ့ခွင့်မပေးလို့ ဒီမိုက ရေစီနည်းကျ မတင်မြှောက်နိုင်တာများကို အ ပြစ်ဖွဲ့ရှေ့တန်းတင်ပြီး အငြိုးတကြီးပြောနေ တာ၊ NNER ကိုယ်စားလှယ်တစ်ဦးဖြစ်တဲ့ ပရဟိတသမား ဆရာကြီးဦးသိန်းလွင်ရဲ့ ခဝဲခြံ မျက်မမြင် ကျောင်းကို ဆွေးနွေးပွဲမတိုင်မီည မှာ ဝင်ရှာဖွေတာ၊ တစ်ဖက်သတ်ဖျက်သိမ်းမှု ကို ကျောင်းသားဘက်အပြစ်လွှဲချပြီး အရှည် သဖြင့်မကောင်းအောင် စိတ်နာစရာဖြစ်အောင် တမင်လုပ်နေတာ၊ ဆွေးနွေးပွဲအပြီး ကျောင်း သားနဲ့ NNER ကိုယ်စားလှယ်များနောက်က လုပ်နေကျအတိုင်း တကောက်ကောက်လိုက် ခြိမ်းခြောက်တာ စတာတွေအပြင် နောင်ကို စာမေးပွဲများနီးတဲ့အထိ အချိန်ဆွဲပြီး မိဘတွေ နဲ့ ကျောင်းသားထုရန်တိုက်၊ ကျောင်းသားချင်း ရန်တိုက်၊ ဆရာချင်းတိုက်၊ ဆရာနဲ့ကျောင်း သားတိုက်၊ ဒေသအာဏာပိုင်နဲ့ ကျောင်းအာဏာပိုင်နဲ့ ရန်တိုက် စတာတွေလုပ်ဦးမှာ မြင် နေရတာမို့ အတော် စိတ်မချမ်းသာစရာပါပဲ။ ဒါကြောင့် နောက်မျိုးဆက်သစ်ကို ‘မရိုးသားတာ’တို့ ‘အငြိုးထားတာ’တို့ကိုပဲ အမွေ ပေးခဲ့ဖို့ ကြံစည်နေကြတာလားလို့ ‘သမဂ္ဂ’အလက်ဂျစ်ရောဂါရှင်၊ ‘ယူနီယံဂါးဗားမင့်’အရှင်သခင်များကို ကွက်ရှင်ထုတ်လိုက်ချင်ပါရဲ့ ခင်ဗျား။ || ရီနေနိုင် || The Ladies News Journal https://www.facebook.com/News.TheLadies

Posted in: ဆောင်းပါး