လန်ဒန် ၊ ၃၀-၃-၂၀၁၅
ကိန်းဘရစ်ရှိုင်းယား တက္ကသိုလ်မှ ခွဲစိတ် ဆရာဝန်ကြီး များသည် မခုန်တော့သည့် နှလုံးကို အသုံးပြုကာ အစားထိုး ကုသမှု ပထမဆုံး အကြိမ် အောင်မြင်စွာ လုပ်ဆောင် နိုင်ခဲ့ကြောင်း သိရသည်။
နှလုံးအလှူရှင် ထံမှ နှလုံးကို အလှူရှင် သေအံ့မူးမူး ဖြစ်နေပြီး နှလုံးနှင့် အဆုတ်တို့  အလုပ် မလုပ်တော့ဘဲ သွေးလည်ပတ်မှု ရပ်ဆိုင်း သွားသည့် အချိန်တွင် ထုတ်ယူ လိုက်ပြီး အခြား လူနာတွင် အစားထိုး ကုသပေးခြင်း ဖြစ်သည်။ နှလုံးခုန် ရပ်တန့်သွားပြီ ဖြစ်သည့် နှလုံးဖြင့် အစားထိုး ခွဲစိတ်ကုသမှု မျိုးကို ဥရောပတွင် ပထမဆုံး အကြိမ် အောင်မြင် လိုက်ခြင်းပင် ဖြစ်ပြီး ဤ အောင်မြင်မှု ကြောင့် နောက်ပိုင်း တွင် နှလုံး အစားထိုး ကုသမှုများ ယခင်ကထက် ၂၅ ရာခိုင်နှုန်း ပို၍ အောင်မြင် လာနိုင်ဖွယ် ရှိကြောင်း သိရသည်။
UK တွင် လွန်ခဲ့သော ၁၂ လအတွင်း နှလုံးအစားထိုး ခွဲစိတ်ကုမှု (၁၇၁)ကြိမ် ပြုလုပ်ခဲ့ရာ ၄င်းတို့ အားလုံးမှာ ခုန်နေဆဲ နှလုံးဖြင့် အစားထိုး ကုသမှု ဖြစ်ကြောင်း၊ နှလုံးမခုန် တော့သည့် ခန္ဓာကိုယ် အလှူရှင် ထံမှ ကျောက်ကပ်၊ အသည်းနှင့် အခြားအင်္ဂါ အစိတ်အပိုင်း များကိုသာ ထုတ်ယူ နိုင်ခဲ့ကြောင်း၊ မခုန်တော့သည့် နှလုံးကို အစားထိုး ကုသရန် ဆေးပညာရှင်များ မဝံ့ရဲ ခဲ့ကြောင်း၊ လူနာများသည် နှလုံး အစားထိုး ကုသမှု ခံယူခွင့် ရရှိရန် အနည်းဆုံး သုံးနှစ် စောင့်ဆိုင်းရလေ့ ရှိပြီး အချို့မှာလည်း နှလုံးမရရှိမီ သေဆုံးကြောင်း၊ ထို့ကြောင့် ခုန်နေဆဲ နှလုံးထက် ပို၍လွယ်ကူစွာ ရရှိနိုင်သော မခုန်တော့သည့် နှလုံးဖြင့် အစားထိုး ကုသမှုကို ပထမဆုံး အကြိမ် စမ်းသပ် ကြည့်ရာမှ အောင်မြင်မှု ရရှိခဲ့ခြင်း ဖြစ်ကြောင်း သိရသည်။
PyiChitThar
http://www.pyichitthar.com
0 မှတ်ချက်ရေးရန်:
Post a Comment