ကော်ဖီသောက်သုံးသူများ သွေးချိုဖြစ်နိုင်ခြေလျော့နည်း

 ကော်ဖီသောက်သုံးသူများသည် ကော်ဖီမသောက်သူများနှင့် နှိုင်းယှဉ်ပါက ပုံစံ ၂ သွေးချိုရောဂါဖြစ်ပွား နိုင်ချေ ထက်ဝက်လျော့နည်းသည်ဟု ကာလရှည်သုတေသန ရလဒ်တစ်ခုတွင်ဖော်ပြပြီး ရောင်ရမ်းမှုလျော့ကျစေသော ကော်ဖီ၏အာနိသင်ကြောင့်ဖြစ် ဖွယ်ရှိသည်ဟု သုတေသနပညာရှင် များကယူဆထားကြသည်။ လေ့လာမှုတွင် ပညာရှင်များသည် ၂၀၀၁ နှင့် ၂၀၀၂ တို့၌ အေသင်မြို့မှ အသက် ၁၀ နှစ်အထက် အမျိုးသား၊ အမျိုးသမီး ၁၃၀၀ ကျော်ကို ကျပန်းရွေးချယ်ကာ ကော်ဖီသောက်သုံးမှုပမာဏ အပါအဝင် စားသောက်မှုပုံစံအချက် အလက်များကို ရယူမှတ်သားခဲ့ကြ သည်။ တစ်ရက်လျှင် ကော်ဖီ ၁.၅ ခွက် သောက်သုံးသူများကို သာမန် သောက်သုံးသူများ၊ နေ့စဉ် ၁.၅ ခွက် အထက် သောက်သုံးသူများကို ပုံမှန်သောက်သုံးသူများဟု သတ်မှတ်ခဲ့ပြီး လေ့လာမှုတွင် သာမန်သောက်သုံးသူ ၈၁၆ ယောက်၊ ပုံမှန်သောက်သုံးသူ ၃၈၅ ယောက်နှင့် ကော်ဖီမသောက် သူ ၂၃၉ ယောက်တို့ပါဝင်ခဲ့သည်။ ၎င်းတို့အား သွေးစစ်ဆေးမှုပြုလုပ်ကာ ရောင်ရမ်းမှုဖြစ်စေသည့် ပရိုတိန်း ပမာဏကို လေ့လာခဲ့ကြသည်။ ထို့အပြင် ခန္ဓာကိုယ်အတွင်းဆဲလ်များ ကို ထိခိုက်စေသော ဓာတ်ပစ္စည်းများ အား ဖယ်ရှားပေးသည့် အန်တီအောက် စီဒန့် ပမာဏကိုလည်း တိုင်းတာခဲ့ကြ သည်။

၁၀ နှစ်ကြာပြီးနောက် ၎င်းတို့ထဲ မှ ၁၉၁ ဦး သွေးချိုရောဂါဖြစ်ပွားခဲ့ပြီး အမျိုးသားများ၏ ၁၃ ရာခိုင်နှုန်းနှင့် အမျိုးသမီးများ၏ ၁၂ ရာခိုင်နှုန်းဖြစ်သည်။ ကော်ဖီသောက်သုံးမှုများသူများမှာ သွေးချိုရောဂါဖြစ်ပွားမှု လျော့ နည်းသည်ကိုတွေ့ခဲ့ရသည်။ ပုံမှန်ကော်ဖီသောက်သုံးသူများမှာ ကော်ဖီမသောက်သူများနှင့် နှိုင်းယှဉ်ပါက ၅၄ ရာခိုင်နှုန်းလျော့နည်းပြီး ထိုပမာ ဏမှာ ဆေးလိပ်သောက်ခြင်း၊ သွေးတိုးခြင်း၊ မိသားစုတွင်း သွေးချိုရောဂါဖြစ်ပွားမှု၊ ကာဖင်းဓာတ်ပါသော အခြားအစားအစာများ စားသုံးမှု စသည်တို့ကိုပါ ထည့်သွင်းတွက်ချက်ထားခြင်း ဖြစ်သည်ဟု European Journal of Clinical Nutrition တွင် ဖော်ပြသည်။ ရောင်ရမ်းမှုကိုဖြစ်စေသော သွေးအတွင်းရှိ ဆီရမ်အမီလွိုက်ခေါ် ဓာတ်တစ်မျိုး၏ ပမာဏက ကော်ဖီနှင့်သွေးချို ရောဂါဆက်စပ်ပုံကို ရှင်းပြနိုင်မည်ဟု သုတေသနအဖွဲ့က ဆိုသည်။ ကော်ဖီသောက်သုံးမှုများပြားပါက အမီလွိုက် ပမာဏကျဆင်းသွားတတ်သည်။

ယခုတွေ့ရှိမှုက ၂၀၁၃ တွင်ပြု လုပ်ခဲ့သည့် လူ ၈၃၆ ဦးပါ သီးခြားသုတေသနတစ်ခု၏ရလဒ်ကို ထောက်ခံပေးသည်။ အချို့သောသုတေသနများအရ ကော်ဖီနှင့် သွေးချိုဆက်စပ် မှုမှာ အမျိုးသမီးများနှင့် ဆေးလိပ်မသောက်သူများတွင် ပိုမိုသိသာသည်ဟု တရုတ်နိုင်ငံ၊ ကျင်ဒေါင်ဆေး တက္ကသိုလ်မှ ဒေါင်ဖန်ဇန်ကဆိုသည်။ “ကော်ဖီက သွေးချိုကို ကာကွယ်ပေး နိုင်လားဆိုတာ မသေချာသေးပေမယ့် လေ့ကျင့်ခန်းလုပ်တာနဲ့ ကိုယ်အလေးချိန် ထိန်းသိမ်းတာက ပိုပြီးထိရောက် မှုရှိတယ်ဆိုတာ သေချာပါတယ်” ဟု သုတေသနပညာရှင်တစ်ဦးက ရိုက်တာသို့ အီးမေးလ်ဖြင့် ပြောကြားခဲ့သည်။

KHTun
The Ladies News Journal
https://www.facebook.com/News.TheLadies

Posted in: ကျမ်းမာရေး