ထောပတ်သီးစားခြင်းက အရွယ်တင်နုပျိုစေနိုင်

  ထောပတ်သီးသည် နုပျိုကျန်းမာခြင်းအတွက် သဘာဝ၏ လက်ဆောင်မွန် ဆေးကောင်းဝါးကောင်းတစ်လက် ဖြစ်နေကြောင်း သုတေသီများက ပြောကြားခဲ့သည်။
ခန္ဓာကိုယ်ကိုအန္တရာယ် ပေးနိုင်သည့် မော်လီကျူးများကို ထောပတ်သီးကဖယ်ရှားပေးနိုင်စွမ်းရှိနေကြောင်း သိပ္ပံပညာရှင်များကဆိုသည်။
အထူးသဖြင့်အိုမင်းရင့် ရော်မှုကို ဖြစ်ပေါ်စေသောဓာတ်သဘာဝများကို ထောပတ်သီးက
 နှောင့်နှေးစေသလို နှလုံးနှင့်ကင်ဆာရောဂါများမဖြစ်အောင်အကာအကွယ် ပေးနိုင်ကြောင်းသိရသည်။

ထိုသစ်သီးမှထွက်သော အဆီဓာတ်သည်ခန္ဓာကိုယ်ကိုအဆိပ်သင့်စေသော မော်လီကျူးများအားတိုက်ဖျက်ပေးတတ်ပြီး ဓာတုဗေဒ ဘေးထွက်ဆိုးကျိုးများကို ချေဖျက်ပေးနိုင်သည်။

အိုမင်းရင့်ရော်မှုကိုတားဆီးပေးသည့်အာနိသင်သည်အာလူးနှင့်မုန်လာဥနီတို့တွင် တွေ့မြင်ရ တတ်သော်လည်းထိုအနေအထားသည်ဆဲလ်အစုအဝေးအတွင်းစိမ့်ဝင်နိုင်လောက်သောဖွဲ့စည်းပုံမျိုး မရှိချေ။

ထောပတ်သီးကမူဆဲလ်အဖွဲ့အစည်းထိအကျုံးဝင်သက်ရောက်နိုင်သည့် သဘာဝ သတ္တိထူးမျိုး ပိုင်ဆိုင်ထားကြောင်း ဇီဝဓာတုနှင့် မော်လီကျူးဆိုင်ရာ ဇီဝဗေဒ နှစ်ပတ်လည် အစည်းအဝေးတွင် အမေရိကန် သုတေသီခရစ္စတီယန် ကော်တက်စ်ရိုဂျိုက ပြောကြားသွားခဲ့သည်။
“တခြားအစားအသောက်တွေကAntioxidantတွေဟာဆဲလ်အစုအဝေးထဲမထိုးဖောက်နိုင်ဘူး။
ဒီတော့ဆဲလ်ကလုပ်ငန်းရပ်ဆိုင်ပြီး သေဆုံးသွားတယ်။တကယ်လို့ဆီတွေယိုစိမ့်နေတဲ့ ရေကန်မှာ ကျွန်တော်တို့ကဆီကိုသန့်စင်ပြီးဆီယိုနေတဲ့အပေါက်ကိုမပိတ်ရင်ငါးတွေကသေမှာပဲလေ။
ဒီသဘောပဲပေါ့”ဟုရိုဂျိုကဆိုသည်။

ဆဲလ်များ၏အခြေခံအကျဆုံးအဖွဲ့အစည်းထိ ထောပတ်သီးမှAntioxidantများကစိမ့်ဝင်နိုင်ခြင်းကြောင့် ဆဲလ်များကိုရှင်သန်ရှည်ကြာစေကြောင်း၎င်းက ပြောကြားခဲ့သည်။

ထို့အပြင် ထောပတ်သီးသည် သွေးကြောများထိခိုက်မှုနှင့်ကင်ဆာရောဂါ ဖြစ်နိုင်ခြေတို့ကို တားဆီးပေးကြောင်းလည်းရိုဂျိုက၎င်း၏သုတေသနအဖွဲ့ တွေ့ရှိမှုများကိုအစည်းအဝေးတွင်တင်ပြ
 ဆွေးနွေးသွားခဲ့ကြောင်း သိရှိရသည်။

Mg Mandalay
https://www.facebook.com/mg.mandalay

Posted in: ကျမ်းမာရေး